Udal liburutegia Kultura Etxera itzuli ondoren, nagusientzako lokala udaletxe zaharreko bigarren solairutik beheko solairura pasatuko da, berak hala eskatuta. Gune hori margotu eta altzariz hornituko dute egunotan.
Prest dagoenean, erabiltzen hasi ahal izango dira. Hortik aurrera, lehen solairua gaur egungo jardueretarako mantenduko da momentuz, hala nola, euskara klaserako eta pare bat udal ikastarotarako, eta bigarren solairua ikasketa gela izatera pasako da.
