Euskaraldia bertan da!
Artziniegako txapa banaketa hurrengo ostegunean, azaroak 19 egingo dugu.
Oraindik ere izena emateko aukera daukazu, Anima zaitez!
Azaroaren 25a indarkeria matxistaren aurkako eguna da. Hala, urtero bezala, indarkeriari aurre egiteko kanpaina prestatu du Artziniegako Udalak, elkarteekin batera.
Aurtengorako, bandera moreak banatuko dira, balkoietan eta leihoetan jartzeko. Bandera lortzeko, azaroaren 20an, ostirala, Udaletxe kanpoan jarriko dugu mahaia, 09:00etatik 15:00etara. Arteko Gure Ama Eskolak ere etxeetara bidaliko dituzte ikasleen bitartez.
Azaroaren 21ean, larunbata, antzerkia egongo da, Por detrás todo un clásico, Pánico Escénico taldearekin. Eguerdian izango da, 13:00etan, Frontoian.
Hilaren 25ean, elkarretaratzea egingo da Frontoian, 13:00etan, Artziniegan indarkeria matxistarik ez banderekin.
Hilaren 27an, Beldur Barik Aiaraldean lehiaketako sariak banatuko dira on-line, 18:00etan, Orozkotik.
Udal honek udalerriko merkataritza, ostalaritza eta museo sarearekin izan nahi duen konpromisoaren esparruan, eta COVID19ren ondoriozko osasun eta ekonomia egoera kontuan hartuta, ekimen berri eta berezi bat jarri dugu abian, Artziniegako erosketak sustatzeaz gain, herritarrak animatu nahi dituena ideia motibatzaile batean parte hartzera, gure gizarte-harremanetan nolabaiteko gogo ezak eta murrizketak dituen egoera baten barruan, Artziniega osorako Adiskide Ikusezin bat proposatzen dizuegu. Irakurtzen duzun bezala.
Erantsitako karteletan Adiskide Ikusezin honen oinarriak aurkituko dituzue. Gogoratu, behin Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera mezua vidalita izena emanda, ekimen honetarako zure datuak erabiltzeko baimena ematen duzun inprimakia bidaliko da. Liburutegian utzi dezakezue edo helbide berdinera bidali sinatuta.
Parte hartzera, norbaiti oparitzera eta aldi berean opari bat jasotzera animatzea besterik ez dugu espero. Herria egiten dugun bitartean, merkataritza, ostalaritza eta museo sektoreei laguntzen diegu.
