Abuztuaren amaieran lehen bilera egin ondoren, astearte honetan, hilak 21, 19:00etan, udaletxe zaharrean, 2022 osoan zehar ospatuko dugun Artziniega Hiriaren Fundazioaren 750. urteurreneko ekintzen batzordea bilduko da berriro. Batzordea irekita dago parte hartu nahi duten pertsona gehiagorentzat. Ahoa zabaltzeko, 700. urteurrenaren ospakizunen argazki batzuk uzten dizkizuegu.

Artziniegako Udalak, Arteko Gure Amaren Zuzendaritzarekin eta Barratxi guraso-elkartearekin lankidetzan, ASTEKLIMA Klima eta Energiaren Astea aprobetxatu nahi du, irailaren 27tik urriaren 3ra bitartean, ikasleak oinez edo bizikletaz eskolara joan daitezen sustatzeko. Azken helburua da ikastegitik 1,5 kilometro baino gutxiagora bizi diren familien eta ikasleen artean, batez ere Lehen Hezkuntzakoen artean, autoa eskolara joateko azken baliabidea izan dadin sustatzea, aste honetan ez ezik, etorkizunean sendotuko den ohitura gisa ere.