Informazio osoa

Artziniegako Udalak 2018-2019 ikasturtean udalerrian bertan euskara ikasteko taldeak sortzeko deialdia irekiko  du irailaren 4tik 27ra.

Deialdia C1 (EGA)-rainoko  edozein mailatako taldeak sortzeko da, eta ikasturtean zehar gutxienez 165 eskola-ordu emateko (5 ordu astean gutxi gorabehera). Hala ere, ordu gutxiagoko taldeak sortzeko aukera aztertuko da.

Izena ematea:  inskripzio-fitxa bete eta Udaletxean entregatu irailaren 4tik 27ra arte.

Izena emateko epea itxi ondoren, Amurrioko AEK-k ikastaldeak sortzeko aukera aztertuko da eta inskribatuei dagokien informazioa emango zaie.

Udal beka: Ikasturtearen hasieran ikasleek AEKri dagokien matrikula-kostua ordainduko diote. Ikasturte amaieran udal beka eskatu ahalko da, eta baldintzak betetzen dituztenei, matrikularen %50 arte itzuli ahalko zaie.

Matrikula prezioak:

1,78 € / eskola-ordua (248 ordu baino gutxiagoko ikast.)

1,70 € / eskola-ordua (gutxienez 248 ordu dituzten ikast.)

Informazio gehiago Aiarako Kuadrillaren Euskara Zerbitzuan:

945399122 /  Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.  

Artziniegako jaiak 24 ordu eskas igaro direnean, Udalak oso balantze positiboa egin gura izan du. Beste edizio batez, Artziniegako herritarrak eta jai egitarau oparo batek erakarritako pertsonak jai hauetako benetako protagonistak izan dira eta, zalantzarik gabe, erreferente izan dira, parte-hartzeari, giro onari eta kalitatezko ekintzei dagokionez. Bukatu berri diren jaiek, aisialdia, kultura, kirola eta tankera sozialeko beste ekintza batzuk lotzen jakin dute. Eta ekintzen antolakuntzan jardun izan diren, edizio aberatsa eta gustu guztiei egokitutako egitaraua antolatzen lan egin duten pertsonetan hasi eta beren parte hartzeaz edizio arrakastatsua hau egia bihurtzen lagundu duten adin guztietako gizon eta emakumeak goraipatu gura genituzke.

Kalean disfrutatzeko gogoak, kuadrillaren konpainian, familia artean edo lagun artean, beti ere bata bestearenganako errespetu osoz, eta gorabehera nabarmenik gabe handi egin dituzte programatutako ekintza bakoitza.

Zaila litzateke hitzordu bat beste baten gainetik nabarmentzea, baina harrera onak, jendearen erreakzioak eta parte hartzeak handi egin dituzte besteak beste Otxoaren kontzertua, erromeria desberdinak, adin guztietako auzokideek parte hartu duten playback txapelketa, jada tradizionalak diren bonbona eta txanbil lasterketak. Eta ezin ahaztu indaba jate herrikoia edo herri kirolekin erlazionatutako hitzordu desberdinak.

Ekintza guztiek eta parte hartze nabariak, 2018 urte honetako jai egun bakoitza, umeen eguna, gazteena, pertsona nagusiena… arrakastatsuak izan zitezela lortu dute.

Udalak, euren parte hartzeaz programatutako hitzorduak handiak izan daitezen lortu dituzten pertsonei eskerrak eman gura dizkie, baita hitzordu desberdinen antolakuntzan egunero buru belarri ibili diren pertsona, kolektibo sozial, kultural eta kirol elkarteak ere, eta behar zen unean, dena prest izan zedin lanean ibilitako langileak ezin ahaztu… beraiek lortu baitute jardunaldi bakoitzean Artziniega garbi eta txukun izan zedila.

Eskerrik asko Artziniega, bere txikitasunean handi egin duzuen guztioi!

Artziniegako Udalak jakinarazi gura du, datorren igandean, irailak 9, goizeko 9:00etan hasi eta 11:00ak bitartean, gutxi gorabehera, Geltoki plazako zutoina zabalik izango dela.

Irekiera marmitako eta patata tortilla lehiaketek eragin dute.