Eusko Jaurlaritzako Ekonomiaren Garapen, Iraunkortasun eta Ingurumen Saila, Energiaren Euskal Erakundearen laguntza teknikoarekin, Euskadiko Energia Berriztagarrien Lurraldearen Arloko Plana (LAP) egiteko prozesua amaitzen ari da.
Hasierako faseei dagozkien dokumentuak idatzi ondoren, Planaren Hasierako Onarpena egin da, eta, beraz, datozen asteetan jendaurrean jartzeko administrazio-izapidea irekiko da. Izapide horren bidez, edozein pertsonak edo agentek egokitzat jotzen dituen alegazioak egin ahal izango ditu. Dokumentu horiek eskuragarri daude esteka honetan (ikus LAParen hasierako bertsioa eta Ingurumen Azterketa Estrategikoaren hasierako bertsioa).
