Berriak - Artziniegako Udala

Telefonoa

Ordutegia

Astelehenetik ostiralera:
9:00etatik 14:00etara

Arabako herrien arteko 2018ko txapelketa hasi berri dugu eta horren adibide garbia hurrengo larunbatean, maiatzak 5, arratsaldeko 17:30etatik aurrera frontoiaren inguruetan antolatutko den Artziniega eta Zigoitiaren arteko norgehiagoka. Zuk ere herri kirolak atsegin badituzu, etzazu aukera hau galdu eta hurbil zaitez larunbata honetan bertako lehiakideak animatzera.

Bere izenak ongi dioen moduan, entzulea izango da jaun eta jabe bihar ostirala, frontoiaren inguruetan martxan jarriko den egitasmoan.

Arabako Bertsozale Elkarteak bertsolariekin gozatzeko aukera berri bat eskaini nahi izan die bertsozaleei eta horretarako Arabako 16 bertsolarik hartuko dute parte bihar Artziniegara helduko den saio bereziak.

Oholtzarik gabeko aretoetan jokatzen dira saioak eta ikus-entzuleak erabakitzen du nork egingo duen bertsotan finalean; hori bai, azken saioan ez da epailerik izango eta ez da irabazlerik izendatuko.

Hitzordua bihar, ostirala, maiatzak 4, arratsaldeko 20:30ean frontoian.

Datorren larunbatean, maiatzak 5, eguerdiko 12:00etatik 14:00etara bitartean, udaletxe zaharrak ateak irekiko ditu, etxean konpostajea egiten ikasteko doako ikastaroa hartzeko.

Ikastaraoan parte hartzeko asmoa dutenek aldez aurretik izena eman beharko dute maiatzaren 4a baino lehen Udaleko telefonora deituta. Parte hartzaile bakoitzak kopostagailu, aireztagailu eta eskuliburu bana jasoko du etxebizitza/familia bakoitzeko.

Katekesi taldeak, tradizioari so eginda lore eskaintza egingo du datorren igandean, maiatzak 6 Arteko Gure Amaren santutegian, Amaren eguna dela eta. Eguerdiko 12:00etan santutegian bertan meza santua ospatuko da. Antolatzaileek lore eskaintza zein meza santuan parte hartzera dei egiten die nahi duten herritarrei.