Gogora ekarri behar da 2004an Eusko Jaurlaritzako Trafiko Zuzendaritzak bere gain hartu zuela Artziniegako trafikoaren arloan zigortzeko eskumena. 2013an onartu zuen Udalak Artziniegako Hirigune Historikoko oinezkoen gunea arautzen duen lehen Ordenantza. Orain, 12 urteren ostean, Udalak berreskuratu egin du zehatzeko eskumena, eta zigorrak jartzean Ertzaintzak arduradun nagusi izaten jarraituko badu ere, Udala arduratuko da isunak bideratzeaz eta zigorrak ezartzeaz. Ibilgailuen sarrera kontrolatzeko sistema aldatuko da laster, eta hemendik aurrera matrikulak kameren bidez irakurriko dira. Hala, alde zaharraren sarreran dagoen txartel eta pilona sistema kenduko da.

 

Datozen hilabeteetan, sistema berria instalatzen, egungo txartelak itzultzeko epeak irekitzen eta baimendutako matrikulen eskaera berriak izapidetzen hasiko dira. Aldi berean, Udalak dibulgazio kanpaina bat egingo du, jendeak Ordenantza berria ezagutu dezan.