-
Hasiera
- Berriak
Eusko Jaurlaritzak, Arabako, Bizkaiko eta Gipuzkoako foru-aldundiek, eta EUDELek, Euskadiko Udalen Elkarteak, Larrialdiei Aurre Egiteko eta Meteorologiako Zuzendaritzaren bitartez, etengabeko harremana dute Valentziako Generalitatearekin, zuzenean jakiteko zein diren kaltetutako pertsonen behar zehatzak.
Eusko Jaurlaritza, foru-aldundiak eta EUDEL modu koordinatuan ari dira lanean, laguntza ahalik eta modu antolatuenean eta eraginkorrenean irits dadin Valentziara. Gainera, Valentziak bizi duen krisiaren aurrean, elkartasun-erantzun espontaneoa sortu da.
Euskadi beti izan da gizarte solidarioa, baita orain ere, eta bere erakundeak ere solidarioak dira. Baina elkartasunak egokia eta eraginkorra izan behar du, eta horretarako, ezinbestekoa da elkartasuna antolatua izatea. Eusko Jaurlaritzak, foru aldundiek eta udalek tokian bertan jarduten ari diren instituzio eta erakundeek esaten dutenari erreparatzeko eskatzen dute. Horretarako, une honetan, lagundu nahi izanez gero, erakunde horiek emandako kontuen bidez dirua bidaltzea gomendatzen da. Aurrerago beste laguntza batzuk beharko dira, hondamendiaren eragina luzatu egingo baita.
Horrela, Valentziako Generaliteak lagundu nahi duten herritarren eta elkarteen eskura atari hau jarri du SOM SOLIDARITAT DANAk kaltetutako pertsonentzako laguntzak eta dohaintzak bideratzeko. Eskari bera egiten du FEMP-ek (Federación Española de Municipios y Provincias) “logistika eta biltegiratze arazoak” direla eta.
Eusko Jaurlaritzak, Araba, Bizkaia eta Gipuzkoako Foru Aldundiak, eta EUDEL-ek herritarren elkartasuna eskertu nahi dute, Euskadi, beste behin ere, herri solidarioa dela erakusten ari delako.
ZER EGIN?
• Egoeraren eta beharrizanen berri jaso
• Egoera hauei erantzuteko gai diren eta eragindako eremuetan presentzia duten erakundeei dohaintza ekonomikoak egitea.
• Egoera honetan laguntzen duten euskal erakundeetan boluntario egitea.
ZER SAIHESTU?
• Gauzazko dohaintzak egitea
• Norbere kabuz jardutea, larrialdietan eta ekintza humanitarioan espezializatutako erakundeekin harremanetan jarri gabe
• Kaltetutako eremuetara joatea
GOGORATU
• Elkartasunak eraginkorra eta denboran jarraitua izan behar du.
Artziniegan edo Aiaraldeko edozein udalerritan bizi bazara, Foru Aldundiak datorren urtean Soxogutiko errota egokitzea nahi baduzu, bozkatu berehala, edo animatu senide edo ezagunen bati botoa ematera... Azaroaren 8ra arteko epea dugu. Udaletxean eta udal liburutegian inprimakiak dituzu, edo internet bidez https://egoitza.araba.eus/.../eleccion-de-propuestas... estekan.
Ezin dugu aukera hau pasatzen utzi.
Eusko Jaurlaritza, Arabako, Bizkaiko eta Gipuzkoako foru-aldundiak eta EUDEL, Euskadiko Udalen Elkartea, etengabe daude harremanetan Valentziako Generalitatearekin, DANAk sortutako egoerari aurre egiteko behar diren giza premiak eta behar materialak zeintzuk diren jakiteko. Euskal erakundeek beharrizan zehatzen
jakinarazpen ofizial hori jasotzen dutenean protokolo bat ezarriko da eskatutako materialak biltzeko.
Eusko Jaurlaritzatik, hiru foru aldundietatik eta EUDELetik kaltetutako pertsonei laguntzeko euskal gizarteak erakutsi duen elkartasun eskertzen dugu.
