Asko dira "Astearte: ipuin txikiak" jardunaldiko protagonista diren haurrentzako liburuetatik sortutako istorioek eragiten duten ilusioaz gozatzen duten txikiak. Hasi berri dugun azaroan, sei izenburu berri, astearte eta asteazkenero, arratsaldeko 17:30etatik aurrera Artziniegako liburutegira hurbilduko diren txiki eta helduen gutiziak asetzen saiatuko dira.

Azaroako liburuen eskaintza honako hau izango da:

• Azaroak 6 eta 7: 'El pequeño Elliot y la gran familia'
• Azaroak 13 eta 14: 'Tomasitaren etxe koxkorra' eta 'Nire etxea'
• Azaroak 20 eta 21: 'El monstruo'
• Azaroak 27 eta 28: 'Antton eta hostoak' eta 'Urtaroak ezagutzen'

Konpostatzea sustatu eta dinamizatzeko, Aiarako Kuadrillak hainbat informazio-hitzaldi eskainiko ditu, baita eskualdeko konpostik onena aurkitzeko 2 lehiaketa-kata berritzaile ere.

Parte hartzeko, nahikoa da aurretik izena ematea saioak egingo dituzten udalerrietako udaletxeetan, Aiara eta Amurrion alegia, eta kilo erdi inguruko lagin itsu bat aurkeztea. Lagin hori hartuta, bertaratzen diren pertsonek azterketa organoleptikoa egin ahalko diete laginei. Horrez gain, konpost bakoitzaren Ph-a eta toxikotasuna ere aztertuko dira.

Parte hartzen duten pertsona guztien artetik konpost-egilerik onena aukeratuko da; tokiko produktuen otzara jasoko du sari gisa. Lehiaketako saio bakoitzean 15 lagin onartuko dira gehienez ere.

Ekimenaren helburua da Aiarako Kuadrillako konpost-egileen sarea handitu eta sendotzea. Gaur egun, konposta egiten duten 230 familia daude.

Informazio-hitzaldiak

Azaroak 17, larunbata

Artziniega: “Compostaje y agricultura ecológica: fundamentos de la agricultura ecológica y estrategias contra plagas” izeneko hitzaldia, 11:30etik 13:30era, Artziniegako udaletxeko osoko bilkuren aretoan. 50 pertsonentzako tokia. Aurrez izena emateko, deitu Artziniegako Udalera.

Azaroak 24, larunbata

Okondo: “Compostaje comunitario y economía circular” hitzaldi irekia, 11:30etik 13:30era, Okondoko eskolan.

Azaroak 30, ostirala

Laudio: “Vermicompostaje: Conocer la práctica del vermicompostaje y taller para montar tu propio vermicompostado en casa” hitzaldi irekia, 18:00etatik 20:00etara, Kultur Etxean. 50 pertsonentzako tokia. Aurrez izena emateko, deitu azaroaren 29a baino lehen Laudioko Udalera.

Aiaraldeko konpostik onena aurkitzeko lehiaketa-kata

Azaroak 16, ostirala

18:00etatik 20:00etara, Arespalditzako Gizarte Zentroan: “Konpostik onena aurkitzeko lehiaketa-kata” izenekoaren lehen saioa. 15 pertsonentzako tokia. Aurrez izena emateko, deitu azaroaren 15a baino lehen Aiarako Udalera.

Azaroak 23, ostirala

18:00etatik 20:00etara, Amurrioko Kultur Etxean: “Aiaraldeko konpost-egileen sareko konpostik onena aurkitzeko lehiaketa-kata” izenekoaren bigarren saioa. 15 pertsonentzako tokia. Aurretik izena emateko, deitu azaroaren 22a baino lehen Amurrioko Udalera.

Artziniegako Udalak jakinarazi gura du azaroaren 6tik 9ra bitartean Aretxaga auzorako sarbidea Garai etorbidetik itxita egongo dela goizeko 7:30etatik 19:00etara bitartean, gutxi gorabehera.

Aretxaga auzorako ordezko sarbidea ZABALLA GAINETIK egin beharko da.

Itxiera saneamenduaren eta edateko uraren sareak konpontzeko lanek eragin dute.

Barkatu eragindako eragozpenak

Urtero bezala, Aiarako Kuadrillak hainbat jarduera antolatu ditu Hondakinak Prebenitzeko eta Birziklatzeko Astearen harira. Jarduerak Aiarako Kuadrillako 5 udalerrietan egingo dira, azaroaren 16tik 30era.

Zehazki, aurten, Aiarako Kuadrillak Eusko Jaurlaritzak eta Arabako Foru Aldundiak bultzatzen duten “Reciclar es lo nuestro/Birziklapenean jaioak gara” kanpainaren karpa jarriko du. Kanpainaren xedea birziklapena sustatzea da.

Karpa horretan, ingurumenaren arloko bi hezitzailek bertaratzen diren guztiei informazioa emango diete eta dituzten zalantzak argituko dituzte. Gainera, jolas eta tailer dibertigarrietan parte hartzera animatuko dituzte. Jolas ludiko eta berrerabiltze-tailer sinpleen bidez, beiraren edukiontzi berdera zer bota behar den berrikusiko dute. Karpa puzgarrira hurbiltzen diren 18 urtetik gorako guztiak ontzi baten barruan zenbat kortxo dauden asmatzen saiatu ahalko dira. Hurbiltzen diren eta parte hartzen duten pertsona guztien artean beirazko ontzietan gordetako tokiko produktuen otzara bat zozkatuko da.

AGENDA OSOA

Azaroak 16, ostirala

Amurrio: binilo, cd eta bigarren eskuko liburuen azoka solidarioa. Goizean, San Anton plazan.

Amurrion, 16:00etatik 20:00etara, Juan de Urrutia plazan: Ecovidrio, Eusko Jaurlaritza eta Arabako Foru Aldundiak beiraren birziklatzea sustatzeko sortutako “Reciclar es lo nuestro/Birziklapenean jaioak gara” kanpaina. Eguraldi txarra eginez gero, karpa San Anton plazan jarriko da.

Aiara: “Aiaraldeko konpostik onena aurkitzeko lehiaketa-kata” izenekoaren lehen saioa, 18:00etatik 20:00etara, Arespalditzako Gizarte Zentroan. 15 pertsonentzako tokia. Aurrez izena emateko, deitu azaroaren 15a baino lehen Aiarako Udalera.

Azaroak 17, larunbata

Laudio: binilo, cd eta bigarren eskuko liburuen azoka solidarioa. Goizez eta arratsaldez, Zumalakarregi etorbidean, Herriko Plazatik hurbil.

Laudion, 10:30etik 14:30era, Araba eta Zumalakarregi kaleen inguruan: Ecovidrio, Eusko Jaurlaritza eta Arabako Foru Aldundiak beiraren birziklatzea sustatzeko sortutako “Reciclar es lo nuestro/Birziklapenean jaioak gara” kanpaina. Eguraldi txarra eginez gero, karpa Aldai plazan jarriko da.

Artziniega: “Compostaje y agricultura ecológica: fundamentos de la agricultura ecológica y estrategias contra plagas” izeneko hitzaldia, 11:30etik 13:30era, Artziniegako udaletxeko osoko bilkuren aretoan. 50 pertsonentzako tokia. Aurrez izena emateko, deitu Artziniegako Udalera.

Azaroak 23, ostirala

Amurrion, 18:00etatik 20:00etara, Kultur Etxean: “Aiaraldeko konpost-egileen sareko konpostik onena aurkitzeko lehiaketa-kata” izenekoaren bigarren saioa. 15 pertsonentzako tokia. Aurretik izena emateko, deitu azaroaren 22a baino lehen Amurrioko Udalera.

Azaroak 24, larunbata.

Aiaran, 11:30etik 13:30era: “Aiara, berde eta garbi!” kanpainari buruzko informazio-standa. Bertan, zabor organikorako kitak banatuko dira, Padura kalearen ondoko pista gorrian.

Okondo: “Compostaje comunitario y economía circular” hitzaldi irekia, 11:30etik 13:30era, Okondoko eskolan.

Azaroak 30, ostirala.

Laudio: “Vermicompostaje: Conocer la práctica del vermicompostaje y taller para montar tu propio vermicompostado en casa” hitzaldi irekia, 18:00etatik 20:00etara, Kultur Etxean. 50 pertsonentzako tokia. Aurrez izena emateko, deitu azaroaren 29a baino lehen Laudioko Udalera.