Datorren ostegunean, irailak 6, eguerdiko 12:00etan, Arespalditzako balio anitzeko aretoan bilera egingo da, Arabako Foru Aldundiko Nekazaritza Departamenduak martxan jarri duen fruta-arbolen landaketak burutzeko dirulaguntza lerro berria azaltze aldera.
INFORMAZIO BILERA
- Osteguna, irailak 6
- 12:00etan
- Arespalditzako erabilera anitzeko aretoa
Artziniegako jai egitarauaren testuinguruan, datorren asteartean, irailak 4, arratsaldeko 20:00etatik aurrera Supitukik antolatutako haurrnetzako playback lehaketa egingo da.
15 urte baino gutxiagoko hiru parte hartzaileez gutxienez osatutako taldeek Ostargi tabernak utzi beharko dute playback-a egiteko ukeratutako abestia eta abesti horrek ez du 8 minutu baino gehiago irun beharko.
Artziniegako jaietako beste hitzordu nabari bat irailaren 6an helduko da, datorren ostegunean, alegia: Artziniegako Udalak, Arceniega Hestebeteak eta Artziniegako txirrindularitza klubak antolatutako txapelketa.
Bertako parte hartzaileez osatuttako bikoteek parte hartuko duten txapelketan, bost joko jokatuko dira frontoian eta saria, hestebete sorta batzuk izango dira.
Izen ematea dohainik
Artziniegako Udalak eta Artziniegakko Txirrindularitza Klubak antolatuta, irailaren 2an, arratsaldeko 18:00etatik aurrera hasiera emango zaio, "Iturritik iturrira" lasterketako kategoria desberdinen hamaikagarren edizioari.
Hauetariko bakoitzaren ezaugarriak honako hauek dira:
Kategoria eta ibilbidea:
- Haurren kategoria (6 urte bitartean) Zahar egoitzatik Uriko atera.
- Kadeteen kategoria (6-10 urte bitartekoentzat), Zahar egoitzatik Dorrera
- Junior kategoria (10-14 urte bitartekotentzat), Ribacobatik, Uriko Atera
- Senior kategoria (14 urte baino gehiagokoentzat), Presatik Uriko atera.
